Byrek me gjizë dhe presh
Përbërësit:
Për petët:
500 gr miell
ujë të vakët për një brumë jo shumë të fortë
2 lgj vaj ulliri
Kripë
Për mbushjen:
200 gr gjizë
4-5 presh
2 vezë
1/2 gotë qumësht
1 vezë për lyerjen e petës
Përgatitja:
Fillimisht përgatisim brumin dhe e lemë të pushojë.
Ndërkohë përgatisim preshin, pasi e kemi larë dhe grirë hollë e kaurdisim mirë me vaj ulliri. Më pas shtojmë pak ujë dhe kripë dhe e lemë preshin të ziejë në temperaturë të ulët. E lemë preshin të ftohet dhe më pas hedhim gjizën dhe vezën.
Fillojmë hapim petët 3 e nga 3 duke i spërkatur me pak niseshte. Hapim petët në madhësinë e tepsisë dhe pasi kemi vendosur gjysmat e petëve duke i spërkatur me vaj ulliri hedhim mbushjen me gjizë dhe presh. Vendosim petët e tjera, i spërkasim në fund mirë me një vezë të përzier me qumësht dhe e vendosim byrekun të piqet në furrë të parangrohur në temperaturën 220 gradë Celsius për 35 minuta.
