Bima e karafilit ka gjetur përdorim që para lindjes së Krishtit kryesisht në Indonezi, për të marrë më pas përhapje në Kinë, Filipine, Amerikën Qëndrore dhe në atë të Jugut. Ai përmban vitaminë A, C, K, Beta karoten si dhe mineralet magnez, hekur, mangan, potasium dhe selenium. Më poshtë do të gjeni përfitimet që sjell përdorimi i karafilit:
Lehtëson dhimbjen e dhëmbëve
Nëse keni dhimbje të padurueshme, derisa të shkoni te mjeku vendosni pak karafil të tharë në zonën problematike. Duhet të dini që karafili gëzon veti anestezike lokale.
Ndihmon tretjen
Të pasura me fibra, gonxhet parandalojnë kapsllëkun, ndërkohë që nxisin prodhimin e enzimave ndihmuese përsa i përket realizimit të procesit të tretjes. Që karafili t’ju ndihmojë sa më shumë me tretjen, e mira është ta konsumoni në formë pluhuri ose të përzier me mjaltë.
Forcon sistemin imunitar
Karafili ndihmon në rritjen e numrit të qelizave të bardha të gjakut, të cilat luftojnë infeksionet e ndryshme në trup. Po kështu, gonxhet e thara përmbajnë edhe shumë vitaminë C.
Plot me antioksidantë
Falë karafilit mund të ulni kolesterolin dhe presionin në gjak, të përmirësoni funksionimin e arterieve dhe rrisni jetëgjatësinë.
Shumë i këshillueshëm për kockat
Karafili përmban elemente të caktuara që sigurojnë shëndetin e kockave dhe rritjen e dendësisë së tyre.
Veti anti-bakteriale
Sipas një studimi në Buenos Aires, vaji i karafilit mban larg baktere si E. Coli ose stafilokokus. Këshillohet që për 21 ditë të realizohet gargare bimore me vaj karafili dhe borziloku, si një mënyrë për të përmirësuar shëndetin e gojës.
Ndihmon gjithashtu:
-Në çlirimin e gazrave
-Dhimbjen e fytit
-Luftimin e artritit dhe osteoporozës.
