Një 13-vjeçar është mbytur në lumin Drin në Shkodër.
Ngjarja e rëndë ka ndodhur mesditën e sotme teksa i mituri ishte duke u larë në lumin që kalon në fshatin Mjedë.
Grupi hetimor vijon punën për të dokumentuar me prova ligjore rrethanat e këtij rasti pasi nuk dihet nëse 13-vjeçari ka qenë duke u larë i vetëm apo nën shoqërinë e personave të tjerë.
Njoftimi i policisë:
Rreth orës 13:35, në fshatin Mjedë, dyshohet se është mbytur aksidentalisht duke u larë në lumin Drin, shtetasi D. P., rreth 13 vjeç, banues në fshatin Mjedë.
