Kur një person na trajton keq, gjejmë kurajën t’i përgjigjemi me ton, pa frikë. Le ta bëjmë atë të kuptojë se nëse ai nuk ndryshon qëndrimin e tij, do të detyrohemi ne të largohemi prej tij, sepse mirëqenia jonë ka më shumë rëndësi. Për t’ju ndihmuar më mirë ta kuptoni gjithë këtë, ja gjërat që duhet të bëni kur dikush ju trajton keq.
Duhet të reagojmë me inteligjencë, pa e lejuar veten të mposhtemi nga zemërimi. Nuk është e thjeshtë t’i menaxhosh këto situata, të cilat shkaktojnë një intensitet kaq të fortë emocional në trurin tonë, të cilat shfaqin instinktet tona më të këqija, agresivitetin tonë. Nëse dikush na trajton keq, ekzistojnë mënyra të ndryshme me të cilat mund të reagojmë, pa rënë pre e zemërimit apo frikës.
Mbaj mend kush jam dhe sa vlej
Në përgjithësi kur dikush na keqtrajton, dëmton vetëvlerësimin tonë me fjalë agresive dhe qëndrime përbuzëse. Dhe, në këto situata ndjehemi të sulmuar, integriteti ynë moral dështon. Në atë moment duhet të ruajmë ekuilibrin. T’i themi vetes se nuk ia vlen, nuk është domosdoshmërish e vërtetë. Nuk duhet të marrim vlerësimet e njerëzve të tjerë si të vërteta. Duhet ta rikujtojmë veten se kush jemi dhe sa vlejmë, sepse ajo që dikush mund të thotë për ne nuk na përcakton.
Mund ta ndaloj agresivitetin tënd
Nëse diçka apo dikush ju trajton keq, reagoni dhe mbroni veten. Ke çdo të drejtë të parandalosh botën, familjen tënde, gjithçka për të cilën ke luftuar dhe që ju bën të ndjeheni mirë, duke u goditur pas shpine nga ata që duan t’ju shohin të fundosur. Mos lejoni që kjo të ndodhë, por vendosni kufijtë midis asaj që duhet dhe asaj që nuk duhet të bëni.
Mund t’ju përgjigjem me këmbëngulje
Kur ofendohemi brutalisht, reagimi ynë instinktiv është zemërimi ose frika. Racionaliteti ynë mund të mposhtet nga këto emocione primitive. Për ta shmangur këtë, së pari duhet të qetësohemi dhe pastaj të përgjigjemi me bindje. Kjo do të thotë që ne duhet të jemi në gjendje të pohojmë mendimin tonë pa ofenduar apo sulmuar askënd.
Mund t’i largoj ata që më keqtrajtojnë
Nëse dikush na trajton keq, ata nuk e meritojnë kohën tonë apo të qëndrojnë në jetën tonë. Kjo vlen për të gjithë, madje edhe për njerëzit më të afërt me ne, si miq, kolegë ose familjarë. Nuk duhet të harrojmë që, kush na keqtrajton dhe nuk na respekton, nuk duhet të përfshihet fare në emocionet tona. Nga një person i tillë duhet të distancohemi.
Shëroni plagët, kthehuni më të fortë se më parë
Kur një person është i rëndësishëm për ne, na fyen në shpirt, diçka thyhet së brendshmi. Dhe nuk ka rëndësi se sa larg shkojmë, zhgënjimi lë plagë të thellë. Një plagë që ka nevojë për kurim. Pra, le të marrim ca kohë për veten, të ecim, të shkruajmë, të udhëtojmë. Por gjëja që na ndihmon më mirë, është të rrethohemi me ata që na duan vërtet, për ata që na respektojnë dhe meritojnë të njëjtat gjëra nga ana tjetër. Mundet gjithashtu t’i drejtohemi një specialisti nëse vërtet nuk mund ta harrojmë atë që na ndodhi.
Sidoqoftë, duhet të mësojmë se në jetë, gjithmonë do të takojmë njerëz të gatshëm për të na keqtrajtuar keq, por gjithashtu, gjithmonë do të takojmë njerëz pozitivë, të cilët do të ngrohin zemrat tona vetëm me buzëqeshjen e tyre. Dhe ne, natyrisht, gjithmonë duhet të zgjedhim këta të fundit.
Përgatiti: Orjona TRESA / Botuar në Revistën “Psikologjia”, Nr. 157
Marre nga revista spikologjia
