Ndonëse ka vite që jeton larg Shqipërisë dhe është shkëputur nga skena, këngët e Nertila Kokës vazhdojnë të dëgjohen edhe sot jo vetëm nga nostalgjikët, por edhe të rinjtë. Artistja e famshme e viteve ’80 jeton në Suedi me vajzat e saj, një prej të cilës i ka trashëguar edhe pasionin për artin.
Annie Salius Koka, në një lidhje me Skype për “ABC e Mëngjesit” ka treguar gjithçka nga marrëdhënia e ngushtë me të ëmën deri te pasion për muzikën.
“Unë gjithmonë e kam pasur pasion muzikën, por edhe mami më ka thënë që je shumë e mirë. Gjithmonë më ka shtyrë për këtë gjë. Mirëpo, këto kohët e fundit nuk kam qenë shumë e fokusuar. Që kur isha e vogël çdo natë kur hanim darkë këndoja. Kënga është pjesë e jetës sime çdo ditë.
Unë e kam menduar që me muzikë do të merrem si të më vijë jeta. Nuk e di, se në jetën time po ndodhin shumë gjëra këto kohë. Po vazhdoj shkollën se për prindërit kjo është kryesorja për mua dhe motrën time më të madhe.
Në Suedi kemi gjimnazin me pikë dhe unë u mundova që t’i merrja të gjitha që të futesha në të njëjtin gjimnaz me motrën”, u shpreh ndër të tjera Annie.
