Njërin sy kaf dhe tjetrin të kaltër, njihuni me vëllezërit më të veçantë në botë. Foto

Mohamed dhe Karem Selman janë vëllezërit turq, që kanë sy me ngjyra të ndryshme, për shkak të një sindrome të rrallë.

Fëmijët 11 dhe 4 vjeç kanë syrin e djathtë të kaltër, derisa të majtin ngjyrë kafe dhe kjo ka ardhur nga sindroma e quajtur heterochromia.

Vëllezërit nga Bursa e Turqisë, kanë heterochromi të plotë, në dallim nga rastet kur është e pjesshme dhe ndikon vetëm në një pjesë të syrit.

Kjo gjendje nuk është e trashëgueshme dhe ndodh shumë rrallë e nuk shkakton problem në shikim, por me syrin që merr ngjyrë të kaltër mund të ketë probleme me kalimin e moshës.

Është e rrallë që të ndodhë tek të njëjtët pjesëtarë të një familjeje dhe është rasti i parë i raportuar deri tani.

Të vegjlit janë bërë shumë të famshëm me fotot e tyre, të cilat janë bërë virale në media e rrjete sociale.