Humbi vajzën nga aksidenti në ekskursion, babai i studentes nga Elbasani i thur poezi: “Më iku një pjesë e shpirtit”

Babai i Dorinës, një nga 12 studentët e Elbasanit të cilët 10 vite më parë humbën jetën në aksidentin tragjik në Qafën e Vishës, me zemrën e thyer i ka kushtuar të bijës disa vargje.

Hasan Stafa, ndonëse kanë kaluar 10 vite, çdo ditë jeton me dhimbjen për të bijën. Fotot e vajzës së ndjerë janë të vendosura në të gjithë shtëpinë, ndërsa në duar shpesh mbajnë gazetat e 21 majit të vitit 2012.

10 vite pas kësaj ngjarje, Hasani dhe Familjarët e studentëve që udhëtonin drejtë Himarës kërkojnë drejtësi.

Kujtojmë se ngjarja e rëndë ndodhi më 21 Maj, 2012 ku 12 studentë, drejtuesi i një autobusi me të cilin ato udhëtonin dhe i fejuari një prej vajzave, humbën jetën në një aksident të rëndë në Qafën e Vishës në rrugën Vuno Himarë. 20 studente të tjera u plagosën rëndë, kur autobusi doli nga rruga dhe përfundoi në një greminë 80 metra të thellë.

Poezia e babait:

Kanë ardhur kohë të pakoha

Të gjuajnë me bërryla e në ballë

Lart ja krye titullarësh, poshtë një popull shakllë-shkallë

Shtypin, shkelin me sa mundin

E prej tyre thithin gjak

Nuk i bënë qeder barkboshit

Titullari sheh veç lart

Të mu shfaqe para syve

Më përvodhe aq rrëmbim

E në tënden botë më zhytë

Drejt një shtegu pa mbarim

E ashtu bashkë hodhëm hapa

Bashkë nisëm numërimin

E në peshën e çdo hapi

Lamë gjurmë mos’harrimi

E tash n’ato kujtime zhytem

Bashkë me to mbrëmjes fle

Kur mbi to e mbështes kryet Dritëz Hëne ti më je

Kjo është një datë që më kalli datën

Kur një pjesë e shpirtit tim iku bashkë me ty, pjesa e mbetur të përkiste përsëri ty!